Muhabat Kiya Hai Ye Jaana...?

Muhabat Kiya Hai Ye Jaanan.?
Chalo Tum Ko Bata Hon,

Jahan Tak Mai Samjh Pai
Wahan Tak Hi Batati Hon,

Muhabat Aasmanon Se Utarti Hai
Mere Rab Ki Anaiet Hai,


Kaheen Le Jaye Mussa(A.S) Ko
Tajali Rab Ki Dikhlane,

Kaheen Mehboob(S.A.W) Ko Arsho Pe Apne Rab Se Milwane,

Kaheen Suli Charhati Hai
Kisi Mansor e Sarkash Ko,

Kaheen Ye Baith Kar Roni Hai Phir Shabeer e Bekas Ko,

Laga Kar Aag Pani Mai,
Hawa Mai Zahir Ghole Gi,

Kare Gi Raqs Shuhloon Par
Magar Kab Bhaid Khole Gi,

Kaheen Ye Aariyan Ragre Tu
Zam, Zam Phot Parte Hain,

Nazar Kar De Jo Pathar Par 
Tu Pathar Toot Sakte Hain,

Kaheen Ye Qais Hoti Hai
Kaheen Farhad Hoti Hai,

Kaheen Sarsabz Rakhti Hai
Kaheen  Hoti Hai,

Kaheen Ranjhe Ki Qismat Mai Likhi Ekk Heer Hoti Hai,

Ye Bas Tehreer Hoti Hai
Kahaan Taqdeer Hoti Hai.?

Kaheen Esar Hoti Hai
Kaheen Sarshar Hoti Hai,

Waheen Ye Jeet Jati Hai 
Jahan Ye Haar Hoti Hai,

Muhabat
Dil Ki Dewaroon Se Lipti Kaai Jaisi Hai,
Muhabat
Dilnasheen Wadi Mai Andhi Khai Jaisi Hai,

Suno....!!
Tum Bhi Muhabat Ko Kaheen Halka Nahe Lena,

Agar Apni Pe Aa Jaye 
Tumjeen Sehra Nasheen Kar De,

Utha Kar Aasmano Se Tumheen
Pal Mai Zameen Kar De,

Kisi Ko Daan Deti Hai
Kisi Ki Jaan Leti Hai,

Agr Kundan Mai Dhale Tu 
Samjh Lena Ye Khalis Hai,

Mann O Tu Na Bhulaye Jo
Tu Phir Samjho Ye Naqis Hai,

Dil e Barbad Ye Roshan Tumhara Kar Ke Chore Gi,

Likhe Gi Dard Mathe Par 
Sitara Kar Ke Chore Gi,

Jeena Qureshi